Дома  Вести Терминатор за пожарите
|
|
Терминатор за пожарите |
|
 Пред две години Арнолд Шварценегер во случај на пожар позираше за фоторепортерите со пожарникарски шлем и црево, но неделава со својот ангажман го зацврсти имиџот на сериозен политичар, јави Ројтерс. За четири дена 20 пожари беснееја во јужна Калифорнија кои уништија стотици куќи и натераа речиси еден милион луѓе да се евакуираат во засолништата, а 60-годишниот Шварценегер успеа да се појави насекаде.
Ги посети и пожарникарите и евакуираните, ја мобилизира Националната гарда, ги распореди ресурсите и одржуваше по четири прес-конференции на ден.
- Овој пат покажа дека е гувернер и мислам дека конечно ја направи транзицијата од акциона ѕвезда во сериозен политичар. А тоа за неговата кариера е многу важно. Шварценегер ги засука ракавите и направи се' што можеше да ги намали последиците од огнената стихија - вели Рафаел Соненшин, професор по политички науки на Државниот универзитет на Калифорнија.
Жителите на Калифорнија двапати Шварценегер го избраа за гувернер на сојузната држава, а овој пат за својот ангажман го пофали и синдикатот на противпожарната служба, кој соопшти дека на изборите нема да гласа за него.
- Гувернер е два мандата и сега му е јасно дека нема сите порти да му се отворат само поради неговата слава и популарност. Мора да работи за да ја задржи позицијата - оцени Керол Вилс, портпарол на синдикатот на противпожарната служба.
Аналитичарите велат дека со посетата на кризните реони Шварценегер покажа дека и' е дораснат на функцијата што ја извршува.
- Сфаќа како треба да се однесува гувернер. И тоа во реалниот живот, а не само како актер во акционен филм. Самата појава и харизма дејствува врз луѓето кои во него истовремено гледаат и спасител и терминатор - истакна експертот Ален Хофенблум.
|
|
|
|
|
|
|
|
Временска прогноза
| Ohrid: |  | 0°C
1019mb | 
3 km/h |
| | Skopje: |  | -4°C
1023mb | 
calm km/h |
| | Bitola: | | -1°C
941mb |
calm km/h |
| | Prilep: | | -1°C
941mb |
calm km/h |
| | Stip: | | -5°C
1022mb |
calm km/h |
| | Gevgelia: |  | 5°C
1023mb |
calm km/h |
|
|
Дирекцијата за храна која е должна да ја контролира безбедноста на храната, сега ќе ги учи гр...
