Онаму каде што се спојуваат времињата преку генерации и се испреплетуваат искуствата и талентот, ќе ве пречека ведра, говорлива и полна со животна енергија, Елена Кизова, една од доајените на македонското спикерство. Многумина веднаш ќе се потсетат на нејзиниот лик, олицетворение на женственоста, интелектуалноста и духовната хармонија, наталожени од 37-годишното работно искуство и едноставна, а сепак богата животна приказна.

До петок НСДП ќе знае дали останува дел од власта или си заминува во опозиција. По оставката на министерката за економија Вера Рафајловска се заладија односите во владината коалиција. Економија останува празно. НСДП си го бара, додека од премиерот Груевски нема никаков сигнал дека партија на Петковски, од која веќе си заминаа двајца пратеници, се уште може да раководи со тој ресор.

Никола Горгиев, алијас командант Коки попладнево е однесен пред истражен судија. Тој е еден од осумте приведени синоќа по завршувањето на протестот. Според полицијата Горгиев е уапсен на потегот од улиците Ленинова и Партизански одреди, поради тоа што како што велат во МВР, поттикнувал лица да фрлаат камења.

Во жестоки дуели, тропање по масите и дофрлања, власта и опозицијата се обвинуваа за синоќешното каменување на грчкиот конзулат. За опозицијата власта потфрлила во заштита на странските амбасади. За Власта, пак, партиското обезбедување и симпатизерите на СДСМ се креатори на инцидентите. „Кога во една држава како што е нашата и институциите на системот, МВР и удира нож во грб на својата држава и на нејзините интереси, е тоа веќе е велепредавство“ изјави Радмила Шеќеринска, претседател на СДСМ.

Над 700 луѓе го проследија маестралниот настап на Симон Трпчевски во Тетово, со која ја заокружи втората концертна турнеја низ Македонија. Програмата ни малку лесна, но предизвик за Трпчевски. На крајот блирираше со петте биса на кои изведе и преработки на албанската „Шота“ и македонската „Ој девојче“