 Вештачењето за ,,Змиско око“ повторно причина за сомневање на обвинетите дека на секој начин се прават обиди да се прикажат дека се виновни и да се оправда досегашниот притвор.
Иако претходно трите вештаци понудија контрадикторни анализи, по барање на судот ги обединија своите наоди. Сега, штетата од наплатните рампи од првичните пет милиони евра се преполови. Ваквиот наод, и покрај противењето на одбраната судот го прифати. Обвинетите бараа ново вештачење со нови експерти. Беа одбиени, а шестмина и отстранети надвор од салата. „Избркани сме оти се гледа дека судењето, вештачењето е тенденциозно и нарачано, фалсификат прават со вештачењето оти не може да се направи тоа вештачење“, изјави Звонко Панговски, обвинет. На претходното судење експертите кои го анализираа економскиот дел не утврдија штета на наплатните рампи. Македонија пат и Фондот за патишта немаа недостаток на пари, дури пријавуваа вишок. Во вештачењето на техничкиот дел се пријавуваше минимална штета. Судот тогаш побара да се усогласат, по што дојдоа до заедничка сума од 2,7 милиони евра. Приговаравме на вештачењето бидејќи согласно ЗКП, ако две вештачења се спротивни едни на други, односно ако има сомнение дека вештачењето е спротивно, имаме право да бараме друго вештачење“, вели Дивна Павлоска, адвокат. „Со овие вештаци и уште десет вештачења да се прават ќе бидат исти вештачења. Ние немаме доверба во нив, затоа што не ни се презентира материјалот врз основа на кој е изработено тоа вештачење и ние не можеме да се произнесеме“, рече Никола Трајчев, адвокат. Доколку останеше првично утврденото вештачење тоа ќе значеше крај на судскиот процес но и барање оштета за речиси едногодишниот притвор.
|
Дирекцијата за храна која е должна да ја контролира безбедноста на храната, сега ќе ги учи гр...
