|
 Никола Горгиев, алијас командант Коки попладнево е однесен пред истражен судија. Тој е еден од осумте приведени синоќа по завршувањето на протестот. Според полицијата Горгиев е уапсен на потегот од улиците Ленинова и Партизански одреди, поради тоа што како што велат во МВР, поттикнувал лица да фрлаат камења.
Полицаецот кој се обидел да го легитимира бил удрен од Горгиев, по што според полицијата биле принудени да го уапсат. „Тој се обиде да попречи извршување на службени задачи од страна на припадниците на МВР и тој е приведен во полициската станица и против него ќе биде процесуирана кривична пријава“ изјави Гордана Јанкуловска, министер за внатрешни работи Адвокатот на командант Коки има сосема друга приказна. „Ноќта ја помина во Ургентниот центар не знам каде точно му, му беше пружена прва помош“, изјави Мирослав Вуиќ, адвокат, И дел од гостите во кафулето на уапсениот Горгиев со иста приказна. „Од еднаш газдата ни свика „ајде влагајте сите внатре“, се вративме и потоа се собра полиција и го приведоа“ рече гостин во кафичот. Дел од акцијата за приведување на Никола Георгиев синоќа се случуваше пред камерите. Тој со едно возило на специјалната единица „АЛФИ“ беше донесен на булеварот Партизански одреди, зад амбасадата и од тој автомобил беше пренесен во друг. „Овие ваши шпекулации ќе мора да ги потврдите со оние кои ве информираат официјалните позиции, односно информации кои доаѓаат од сите безбедносни служби и од сите припадници на полицијата кои учествуваа во спречување на ескалација на немирите пред грчката амбасада, односно канцеларијата за врски, попречија ескалација на настаните и нарушување на јавниот ред и мир“, додаде. Синоќа околу 600 граѓани главно млади лица, од плоштадот Пела се упатија кон Грчкиот конзулат, каде се обидоа да го каменуваат. Со брза интервенција на специјалните сили на МВР на толпата прво и беше оневозможен пристап кон амбасадата, а потоа беше разбиена. Ситуацијата почна да се нормализира по 21 часот.
|
Дирекцијата за храна која е должна да ја контролира безбедноста на храната, сега ќе ги учи гр...
