|
Дома
|
|
Мак. тајни агенти провалени |
|
 Инсајдер ги открил имињата на тајните агенти и нивните склоности и слабости. Лицата Г., С., и Л., изнудувале интимни и сексуални услуги од колешките, со крајна цел да ги наместат на подобри работни места, а лицето Д., кое е на висока позиција, за време на дежурствата, вршел голема нужда во женски тоалети.
И тоа не е се. Тој наводно мастурбирал за време на дежурствата пред колегите и колешките, затскривајќи се зад работното биро. Македонските тајни агенти се во паника. Инсајдер, кој веќе подолго време ги следи нивните активности за и по работното време ги открива тајните за тоа како тие се однесуваат, какви склоности имаат како и нивните слабости. Вечер дојде до скандалозниот документ кој инсајдерот го испратил на адреса на директорот на Агенција за разузнавање, со цел да го запознае со тајните и пикантериите во работењето на одредени лица кои работат во Дирекцијата за обезбедување.
Како што тврди инсајдерот, кадровската политика во Дирекцијата за обезбедување се реализира во една скопска кафеана, на чело со директорот Ј. и познатите пајташи околу него Г., С., М., Б., Т., Н., за на крајот од дома да се повика Н., да го плати долгот како оддолжување спрема гореспоменатите затоа што преку ноќ од работно место извршител за физичко обезбедување е поставен на работно место техничар за против диверзантска заштита и антитероризам.
Во скандалозното писмо меѓу другото се наведува и начин на кој е вршена злоупотреба на позицијата од страна на вработените Г., С., и Л., кои изнудувале интимни и сексуални услуги од колешките, со крајна цел да ги наместат на подобри работни места.
Инсајдерот потенцира дека службената фото-лабораторија се користи за се, а најмалку за службени потреби. Целокупната фото и видео опрема се користи за приватни и роденденски прослави, крштевки и други тривијални забави, како за вработените од Одделението за фото и видео документирање, така и за лица роднини на Д., И., С., Д., Г., С.
Што се однесува до службените возила, тие како што наведува во писмото, максимално се злоупотребуваат.
- Користење на службените "мегани", "БМВ", "мерцедесот", дури и вашиот "пасат", "пунтото", "саксото", сите овие возила се подложени на скоро секојдневни екскурзии по прекрасните македонски излетнички места. Неразумно е менување на возила во неразумно време во 2 часот по полноќ за време на викенд од страна на вработените Г., С., М. и Л., се вели во писмото до кое дојде Вечер.
Се приложуваат и фиктивни сметки по завршување на наводни оперативни акции за правдање на парите од касата, планирани за специјални намени на Агенцијата.
За верувале или не се и наводите дека лицето Д., кое е на висока позиција, за време на дежурствата, вршел голема нужда во женски тоалети. И тоа не е се. Тој наводно мастурбирал за време на дежурствата пред колегите и колешките, затскривајќи се зад работното биро. Тој истиот редовно гледал порно клипови на неговиот "дежурен компјутер", а на лицата кои го поставиле на ова работно место им плаќа 100 евра месечно "кирија".
Лицето И. наместо да добие дисциплинска казна и да биде отстранет од работното место за оддавање службена тајна со назнака "строго доверливо" на крај доби само намалена плата три месеци по 15 отсто. Тоа исто лице денес е поставено на инспекторско место. Тој истиот И. фото и видео опремата ја користеше за партиски цели, следејќи ги митинзите по наредба на екс-градоначалникот на една од скопските општини.
Според инсајдерот во Агенцијата работат и луѓе кои не можат да добијат лекарско уверение со кое ќе потврдат дека се во добра здравствена состојба, за што го посочува лицето Н., кој работи на тајно фото и видео документирање.
|
|
|
|
|
|
|
|
Временска прогноза
| Ohrid: |  | 0°C
1019mb | 
3 km/h |
| | Skopje: |  | -5°C
1023mb | 
calm km/h |
| | Bitola: | | 0°C
1019mb |
3 km/h |
| | Prilep: | | 0°C
1019mb |
3 km/h |
| | Stip: | | -5°C
1023mb |
calm km/h |
| | Gevgelia: |  | 4°C
1023mb |
calm km/h |
|
|
Дирекцијата за храна која е должна да ја контролира безбедноста на храната, сега ќе ги учи гр...
