 Гувернерот Петар Гошев со јарем од впрегнати волови на „Македонска банка“, штедачите и повеќе од еден милион евра, вевчанска речна подморница со евротерористи, но и руската подморница од Курск што потона.
Обезбедувачи на Парламентот од ДПА, владици, власт, проститутки од соседните земји, вевчански дракула, мртовци што плукаат крв, грофови, но и пораките во стилот „Лустрација, спас за Вевчани“, „Вевчани во ЕУ од 1987 година“. Со вакви, но и маски со тотално слободна еротска содржина се појавија вевчанските василичари денес на дефилето со кое овде започнаа обичаите во чест на дочекот на Новата година според стариот православен календар. Со целосната слобода на духот и креативноста, во овие два дена вевчанските василичари велат дека ги ставаат маските коишто другите ги носат во другите денови од годината. „Јас сум Боки 13-ка“, рече еден василичар. Задолжителни маски за Василица во Вевчани се зетот, невестата, Глупавиот Август и музичарите. Другите индивидуални и групни маски се плод на инвентивноста, шегобијноста и мајтапењето со политичарите и настаните што ја одбележале минатата година. „Нашава маска претставува камено доба“, изјави еден василичар. Со краток прекин на музиката и играта, вевчанските василичари им оддадоа почит на загинатите македонски војници во хеликоптерската несреќа. Вевчанци веруваат дека нивниот карневал е стар 1.400 години. Како спој на паганското и модерното, живописните вевчански маски како вистински глумци на подвижниот театар цела ноќ ќе шетаат низ домовите и кафеаните во Вевчани. А по дочекот на Старата Нова година, со песна, игра и огномет сите масовно за плодна и бериќетна година ќе ги посетат прочуените Вевчански извори.
|
Дирекцијата за храна која е должна да ја контролира безбедноста на храната, сега ќе ги учи гр...
