 Mercedes F700 беше претставен на салонот за автомобили во Франкфурт и беше една од главните ѕвезди, од една страна поради дизајнот, а од друга поради напредната технологија. Има 240 КС, а троши 5,3 литри.
Mercedes F700 лежи на новоразвиена платформа, долг е 5,17 метри и користи 1,8 литарски турбо мотор од 240 КС и вртежен момент од 400Nm. На прв поглед ништо ново! Сепак моторот е со концепција DiesOtto, за прв пат видена во автомобилизмот. Агрегатот користи бензин како погонско гориво, меѓутоа процесот на согорување е како на дизел! Еве како оди сето тоа. Впрскувањето на горивото е во две фази. Потоа со користење на многу висок компресиски степен, бензинот контролирано се замозапалува! Познати се многу такви идеи во минатото и тоа не ништо ново ако се знае дека бензинот при самозапалување согорува експлозивно и дава многу помала сила отколку при ламинарното согорување потпомогнато од свеќичка. Дали е тајната во системот за директно впрскување кој работи со многу високи притисоци и фино го распрснува горивото, од Mercedes не откриваат, меѓутоа уверуваат дека работи.
 Зошто пак толку истражување за оваа технологија? Mercedes F700 троши 5,3 литри на 100 km! Иако е хибрид потпомогнат од електрични мотори со сила од 20 КС, вредноста за автомобил со толкава големина е импресивна! Сепак, F700 има и други адути. Користи напредни сензори со ласерска технологија и го снима патот пред себе, подготвувајќи ја суспензијата за евентуалните дупки на патот, со цел да тие не се осетат во внатрешноста! Од Мерцедес изјавија дека целта на овој автомобил била да пружи возење како на летечки килим! Внатрешноста го дополнува чувството на луксуз. Квалитетни материјали насекаде, комфор на највисоко ниво, фотељи пресвлечени во најфина кожа и многу други ситници кои ке ги задоволат и најпребирливите. Дали овој “аладинов” автомобил ќе го видиме во скоро време на патиштата? Тоа само луѓето од трокраката ѕвезда знаат, меѓутоа, пак ние познавајќи ги нив, не треба да се сомневаме во тоа! 
|
Дирекцијата за храна која е должна да ја контролира безбедноста на храната, сега ќе ги учи гр...
