|
Автомобилот Пежо ПХ5, произведен во 1902 година, што е веќе 106 години во сопственост на едно британско семејство, без проблеми поминал технички преглед. Наследниците на овој уникатен автомобил одлучиле да го продадат, а за да можат тоа да го направат, морале претходно да го регистрираат. На техничкиот преглед било констатирано дека на автомобилот се функционира совршено, поради што новиот сопственик, кој платил 100.000 фунти, без проблем седнал во него и се одвезол.
Темно синиот двосед со само три илјади поминати километри, во 1902 година е донесен со брод од Франција. Регистарската табличка А01 значи дека е прв автомобил регистриран во округот Кумбрија, а во него се наоѓаат сите оригинални делови. Богатиот земјопоседник Вилијам Паркин Мур, бил првиот сопственик на ова возило за кое во летото 1902 година морал да издвои 185 фунти. Меѓутоа, само една година подоцна, Паркин Мур видел нов, посилен модел на Пежо, што развивал „дури“ 45 километри на час. Го купил, а стариот Пежо ПХ5, што можел да развие брзина од 30 километри на час, завршил во гаражата.
|
Четворица луѓе загинаа кога мал авион се урна денеска околу пладне во близина на селото Скре...
