Дома  Вести Свет Тунел од Русија до Алјаска
|
|
Тунел од Русија до Алјаска |
|
 Деталите за проектот, кој за прв пат по копнен пат ќе ги поврзе Европа и Америка, ќе ги договараат Путин и Буш, на срдбата на 6 април во Сочи, веднаш по Самитот на НАТО. Рускиот претседател во оставка Владимир Путин и милијардерот Роман Абрамович ќе копаат тунел, кој ќе ги поврзува руската провинција Чукотка со Алјаска. Според весникот "Сандеј тајмс", тунелот ќе минува по дното на Беринговиот Проток. Ако идејата се оствари, тоа ќе биде првата железничка и патна врска меѓу Европа и САД.
"Се очекува деталите околу проектот да се договорат меѓу Путин и американскиот претседател Џорџ Буш, на 6 април во Сочи, каде двајцата најмоќни претседатели ќе се сретнат веднаш по Самитот на НАТО во Букурешт", пишува Сандеј Тајмс. Според проектот, тунелот ќе биде долг 100 километри, а изградбата ќе чини 65 милијарди долари. Главен инвеститор во амбициозниот план ќе биде милијардерот и губернатор на Чукотка Роман Абрамович, иако тој засега негира. Сепак, според Сандеј тајмс, пред две недели компанија конторлирана токму од Абрамович потпишала договор со германската фирма "Herrenknecht" за изградба на најголемата машина во светот за прокопување тунели. Техничкото чудо е со дијаметар 19 метри и може за еден месец да ископа 250-300 метри тунел на два ката, каде може да се изгради пат со четири ленти и линија за метро. Цената на машината е околу 100 милиони евра. Планирано е покрај магистрала и железница двата континента да се врзат и со турбопроводи за нафта и гас, електрокабли и сл. Проектот за тунел меѓу САД и Русија всушност не е нова. Уште во времето на цар Николај Втори во почетокот на 20 век имало слични предлози, но сите планови биле замрзнати за време на СССР. Информацијата за новиот проект ја потврдил и анонимен претставник на Кремљ, кој тврди дека на средбата на Буш и Путин во Сочи ќе биде поставување на "вистински мост" меѓу Русија и САД. Помошникот на Путин, Сергеј Приходко исто така признал дека во Сочи нема да се водат разговори само за поставувањето на антиракетниот штит во Источна Европа, туку и за многу "поширок круг прашања".
|
|
|
|
|
|
|
16-годишна девојка од Прилеп една година се обидува да се самоубие, скокајќи под автобусот од ...
