|
Се започнало во 1999 година, кога во потрага по егзистенција, Бони Браун се јавила на оглас во кој се барала масерка. Таа дотогаш живеела со својата сестра и со сите сили се трудела да застане на свои нозе.
Огласот го дала фирма, која само што се основала и се обидувала да стекне клиенти. Компјутерџиите, студентите Лери Пејџ и Сергеј Брин сакале, по цел ден поминат пред екранот на компјутерот, со масажа да ги опуштат мускулите.
Браун се согласила на овој начин да влијае врз здравствената состојба на двајцата млади шефови на 40 члената информатичка работилница, со помалку глупо име “Гоогле“.
Таа добила околу 450 долари и куп хартии, за кои работодавачите и рекле дека се “вредносни“ хартии, односно акции. Таа, пак, сметала дека тие хартии не вредат ниту неколку центи.
Останатото веќе е историја – денес акциите на Гугл вредат околу 660 долари – информатичката работилница стана интернет гигант, кој го презема приматот во светот на компјутерите.
Бони Браун ја дели судбината со Гугл во наредните пет години и за тоа време стекнала неколку илјади таканаречени „акционерски опции„. Секако, таа не е единствениот милионер што го “произведе“ Гугл.
Според пишувањето на “Њујорк тајмс“, овој пребарува усреќил околу илјада свои бивши вработени со по најмалку пет милиони долари.
Основачите на Гугл, Брин и Пејџ се најдоа на врвот на листата на американското списание “Форбс“ – секој со по 16,6 милијарди долари. Притоа, повеќето од вработените се уште не ги уновчиле сите акции. Бони Браун, пак, својот капитал, повторно го преточила во акции на – Гугл.
|
Четворица луѓе загинаа кога мал авион се урна денеска околу пладне во близина на селото Скре...
