 Голема врева се дигна во Британија, кога "шпионските" коли на Google почнаа да ги снимаат улиците и домовите на британците. Веќе се разгледуваат илјадниците жалби кои стигнаа против сервисот Google Street View, со кои може да се направи (360 степени) преглед на секоја улица во британија.
Сликата која е со одличен квалитет, ја прикажува избраната улица, може да се зумира - односно јасно да се прегледуваат фасадите, прозорците, луѓето, автомобилите пред врата... Покрај жалбите поради нарушената приватност, граѓаните се плашат дека ова е одлична алатка за терористите, провалниците и криминалците. Тие ќе можат да направат детален план за грабеж, бегство, или терористички напад без воопшто да стапнат на местото на злосторството. Гласноговорниците на Google веднаш излегоа со одбрана дека секој нивни сервис, вклучително и овој, ги почитува сите права и закони во земјата во кој функционира. Тие велат дека сервисот автоматски ќе ги "заматува" лицата и регистерските таблички на возилата, со што ќе се избегне идентификацијата. По енормната популарност на Google Earth, можете да замислите колкава популарност ќе добие овој нов сервис. Сепак, останува да видиме како Google ќе се справи со милионските поплаки и иницијативи против овој "шпионски" сервис. 
|
Дирекцијата за храна која е должна да ја контролира безбедноста на храната, сега ќе ги учи гр...
