Избегнат е голем пожар во фабриката на „Џонсон Контролс“ во Бунарџик. Доцна попладнево се појавил оган и густ чад од покривот на зградата, по што екипите на терен веднаш го прекинале дотурот на струја за да спречат поголема хаварија. Димот се појавил при тестирањето на електричната инсталација. Настанал спој кај една од надворешните клими за греење на фабриката на „Џонсон Контролс“.

Инцидентот со падот на владиниот авион во кој што загина претседателот Трајковски и уште осум лица, најверојатно бил несреќен случај во кој не се одговорни само пилотите, заклучува швајцарскиот парламентарец Андреас Грос во извештајот до Советот на Европа.

Состојбата во државава е исклучително лоша и се влошува секој ден. СДСМ обвинува дека економската програмата на владата се сведе исклучиво на скапи пропагандни спотови. Опозицијата затоа предлага власта да се откаже целосно, или од дел од акцизите.

Забраната за фотографирање со шамија за пасош е дискриминација, обвинуваат од Здружението на жени „Ислам и наука“. Од МВР велат, дека според европските и светските стандарди недозволено е фотографирање со шамија, капа, очила или било каков предмет, што ќе ги скрие или измени цртите на лицето.

Четири момчиња од Куманово, на возраст од 15 до 18 години, вчера вечер силувале две 14-годишни девојки. Едната од двете малолетнички е тешко повредена и е донесена во Скопската клиника. Според информациите од МВР, двете девојки вчера околу 20 часот доброволно отишле во куќата на нивниот другар, зошто едната од нив била во врска со некој од момците. Девојките неколку часа биле малтретирани и силувани.

За поскапа облека, мобилен, но и заради обезбедување на парче леб, ова се мотивите за се поголем број на млади лица кои се впуштаат во проституција. Сиромаштијата и неможноста на родителите да ги задоволат потребите на своите деца е основната причина за проституција помеѓу младите.